Аперацыя "Зіма - пара добрых спраў"
2 снежня 2023 года, з мэтай выхавання дабрыні, міласэрнасці, жадання клапаціцца пра тых, каму патрэбна дапамога, вучні I - VII класаў Навадворскай СШ Свіслацкага раёна прынялі ўдзел у аперацыі "Зіма - пара добрых спраў". Напярэдадні запланаванай аперацыі дзеці абмеркавалі, каму патрэбна дапамога ў гэтыя халодныя дні, і вырашылі падкарміць птушак. Менавіта ім прыходзіцца цяпер нялёгка... Дзеці прынеслі з сабой семкі, розныя крупы, знайшліся нават ягады рабіны і невялікія кавалачкі сала. Вучні з задавальненнем развесілі кармушкі на прышкольнай тэрыторыі, насыпалі корм, які прынеслі. Птушкі не заставілі сябе доўга чакаць і прыляцелі, каб паласавацца пачастункамі , а гэта значыць, што вучням удалося зрабіць добрую справу. Цяпер толькі патрэбна не забываць падсыпаць корм кожны дзень.
